ჩემპიონთა ლიგის დღე | ასტონ ვილა-ბაიერნი, ლაიფციგი-იუვე და ქართველები

ეს მატჩი, შეგვიძლია, დღის ცენტრალურ შეხვედრად შევრაცხოთ. ასტონ ვილა და ბაიერნი ერთმანეთს 1982 წლის ჩემპიონთა თასის ფინალში დაუპირისპირდნენ, რომელშიც ბირმინგემელებმა 1-0 მოიგეს.

უნაი ემერის გუნდი მიმდინარე სეზონში შესანიშნავია: 8 მატჩში 6 მოგება. მათ ჩემპიონთა ლიგის პირველ ტურში იანგ ბოიზი გასვლაზე 3-0 დაამარცხეს.

ბრწყინვალე ფორმაშია ბაიერნიც, რომელმაც მიმდინარე სეზონში მხოლოდ ლევერკუზენს ვერ მოუგო (1-1). პირველ ტურში მიუნხენელებმა დინამო ზაგრები 9-2 გაანადგურეს. "რეკორდმაისტერს" ჩემპიონთა ლიგის ჯგუფურ ეტაზე 71-მატჩიანი წაუგებელი სერია აქვს.

ასტონ ვილას სავარაუდო XI: ემი მარტინესი; კონსა, დიეგო კარლოსი, პაუ ტორესი, დინი; ბეილი, ონანა, ტილემანსი, რემზი; როჯერსი, უოტკინსი

ბაიერნის სავარაუდო XI: ნოიერი; გერეირუ, უპამეკანო, კიმი, დევისი; კიმიხი, პავლოვიჩი; ოლისე, მუსიალა, გნაბრი; კეინი

ლაიფციგმა შაბათს აუგსბურგი 4-0 დაამარცხა და 3-მატჩიანი წაუგებელი სერია დაასრულა. გუნდმა ჩემპიონთა ლიგის პირველ ტურში ატლეტიკოსთან წააგო და პირველ გამარჯვებას ელის. აღსანიშნავია, რომ გერმანულ კლუბს იტალიურ გუნდებთან საშინაო შეხვედრა არასდროს მოუგია.

იუვენტუსმა ცოტა ხნის წინ ჯენოას 3-0 მოუგო, მანამდე კი ტიაგო მოტას შეგირდებმა იტალიის ჩემპიონატში ზედიზედ სამი 0-0 ითამაშეს. ჩემპიონთა ლიგის პირველ ტურში "ბიანკონერიმ" პსვ 3-1 დაამარცხა, თუმცა მათ ჩემპიონთა ლიგაზე ბოლო 5 გასვლითი მატჩიდან არცერთი მოუგია და 4 წაგება აქვს. მიმდინარე სეზონში იუვეს დაცვა სოლიდურია და 7 შეხვედრაში მხოლოდ 1 გოლი აქვს გაშვებული.

ლაიფციგის სავარაუდო XI: გულაჩი; გერტრუიდა, ორბანი, ლუკება, რაუმი; ზაივალდი, ჰაიდარა; ბაუმგარტნერი, სიმონსო, ოპენდა, შეშკო

იუვენტუსის სავარაუდო XI: დი გრეგორიო; კალულუ, გატი, ბრემერი, კამბიასო; ტურამი, ლოკატელი; გონსალესი, კოოპმაინერსი, ილდიზი; ვლაჰოვიჩი

დღეს ჩემპიონთა ლიგაზე 2 ქართველი ითამაშებს: ირაკლი აზაროვის შახტარი ფელტინს არენაზე ატალანტას დაუპირისპირდება, ოთარ კიტეიშვილის შტურმი კი ბრიუგეს შეხვდება. მოსალოდნელია, რომ ორივე ქართველი სასტარტო შემადგენლობაში იქნება.

20:45 | ჟირონა 🆚 ფეინოორდი

20:45 | შახტარი 🆚 ატალანტა

23:00 | ასტონ ვილა 🆚 ბაიერნი

23:00 | ბენფიკა 🆚 ატლეტიკო

23:00 | დინამო ზაგრები 🆚 მონაკო

23:00 | ლილი 🆚 რეალ მადრიდი

23:00 | ლივერპული 🆚 ბოლონია

23:00 | ლაიფციგი 🆚 იუვენტუსი

23:00 | შტურმი 🆚 ბრიუგე