ჩემპიონთა ლიგის დღე: მე-3 ტურის პირველ სათამაშო დღეს ორ ქართველს ვიხილავთ

დღეს ჩემპიონთა ლიგის მე-3 ტურია პირველი სათამაშო დღეა, რომელშიც რამდენიმე საინტერესო მატჩი გაიმართება. 

ჩემპიონთა ლიგის პირველი მატჩი, მონაკოში სტადიო ლუი ll გაიმართება. ადოლფ ჰუტერის მონაკო სერბულ, ცერვენა ზვეზდას უმასპინძლებს. ფრანგულმა გუნდმა საკმაოდ კარგად დაიწყო წლევანდელი გათამაშება. “მონეგასკებმა“ პირველ ტურში სენსაციურად ბარსელონა დაამარცხეს, ხოლო მეორე სათამაშო დღეს, ჰუტერის გუნდმა გასვლაზე დინამო ზაგრებთან ფრე 2-2 ითამაშა უნდა აღინიშნოს, რომ გერმანელი სპეციალისტის გუნდმა, თამაში დაატრიალა და ფრის მოპოვება მოახერხა. მონაკოს მცირე დანაკლისი აქვს, გუნდს ფოლარინ ბალოგუნი, მუჰამედ სალისუ და ედან დიოპი ვერ დაეხმარებიან. მონაკოს ამ სეზონში მარცხი არ აქვს და დიდი შანსია ეს სარია ამ მატჩის მერეც გაგრძელდეს. 

სერბებს რაც შეეხებათ, მათთვის ამ ტურნირზე მოხვედრა უკვე წარმატებაა, გუნდმა ორ შეხვედრაში 6 გოლი გაუშვა. პირველი შეხვედრა ბენფიკასთან დათმეს, ხოლო უკანასკნელ შეხვედრაში მილანის ინტერთან განადგურდნენ 4-0. ცერვენა მძიმე დღეში, თან ისიც უნდა გავითვალისწინოთ, რომ შემდეგი მატჩი ვლადან მილოიევიჩის გუნდს ბარსელონასთან უწევს. 

გუნდი, რომელმაც ტურნირი უმძიმესად დაიწყო, იტალიური მილანი ორი ტურის შემდეგ 0 ქულით ცხრილის ბოლოშია განწესებული და დღევანდელ მატჩში მოგება, აუცილებლად სჭირდება. “როსონერიმ“ ბოლო ტურში უდინეზე დაამარცხა და ჩემპიონატში ლიდერებს მიუახლოვდა. მილანს ჩემპიონთა ლიგაზე 4 გოლი აქვს გაშვებული და მხოლოდ 1 გატანილი.

ბრიუგე ნორმალურად გამოიყურება, გუნდმა ჩემპიონთა ლიგაზე 3 ქულა უკვე ჩაიწერა, ხოლო ბოლო ტურში საკუთარ მინდორზე დორტმუნდთან 0-3 განადგურდა. სან სიროზე ბელგიელები აუტსაიდერის სტატუსით გადიან, მაგრამ არაა გამორიცხული, კიდევ ერთი სიურპრიზი შემოგვთავაზონ. 

ლონდონის არსენალი, უკრაინულ კლუბთან შეხვედრას, ცუდ განწყობაზე ხვდება. არტეტას გუნდმა პრემიერ ლიგის ბოლო ტურში ბორმუთთან დათმო შეხვედრა და მნიშვნელოვანი ქულები დაკარგა. არტეტას გუნდმა ჩემპიონთა ლიგის ბოლო ტურში პსჟ დაამარცხა და პირველი გამარჯვება მოიპოვა. არსენალს, საკმაოდ დიდი დანაკლისი აქვს. შეხვედრას გუნდის კაპიტანი მარტინ ოდეგორი, კიერან ტირნი, ტაკეჰირო ტომიასუ დააკლდებიან, ხოლო ჯერ გაურკვეველია, იურიენ ტიმბერი და ბუკაიო საკა დააკლდებიან.

უკრაინულ გუნდში დიდი კრიზისია, მარინო პუშიჩის გუნდი შიდა ჩემპიონატში ევროთასების ზონაშიც არაა და ჩემპიონთა ლიგაზე, “მეშახტეებს“ მხოლოდ 1 ქულა აქვს, ისიც უნდა აღინიშნოს, რომ ბოლო ტურში შახტარი ატალანტასთან განადგურდა და ძალიან ცუდი თამაში აჩვენა. პუშიჩის გუნდი, ემირეითსზე აშკარა აუტსაიდერად ჩადის და მათთვის 1 ქულაც კარგი შედეგი იქნება.

უნაი ემერის გუნდი ძალიან, მაგრამ ფეხბურთს თამაშობს. გუნდი ჩემპიონატში მაღალ პოზიციაზე იმყოფება, ხოლო ჩემპიონთა ლიგაზე, გუნდი უდანაკარგოს მიდის, “ვილანებმა“ ლიგის მეორე ტურში მიუნხენის ბაიერნი დაამარცხეს, გამარჯვების გამტანი გოლი, ჯალენ გურენმა გაიტანა. საკუთარ კედლებში უნაი ემერის გუნდი ფაქტობრივად ყველა გუნდთან ფავორიტია და ბოლონიაც არ არის გამონაკლის. ვილას მცირე დანაკლისი აქვს, გუნდს ბუბაკარ კამარა, ტაირონ მინგსი და ჯონ მაკგინი დააკლდება. 

ბოლონია, გასული სეზონის აჩრდილია, გუნდში მისული ვინჩენცო იტალიანო, ჯერ-ჯერობით გუნდის გადაწყობის პროცესშია და ეს საქმე საკმაოდ გაიწელა. იტალიური გუნდი 26-ე ადგილზე იმყოფება 1 ქულით, გასულ ტურში ლივერპულთან ენფილდზე იყო შეხვედრა, რომელიც წარუმატებლად დასრულდა, ხოლო შემდეგი თამაში ვილა პარკზე უწევთ საიდანაც ქულით დაბრუნება კარგი შედეგი იქნება. 

ესპანური ჟირონა, ოცნებობს თავის პირველ გამარჯვებაზე ჩემპიონთა ლიგაზე, გასულ ორ ტურში მიჩელის გუნდმა 0 ქულა აიღო, არადა პსჟსთან და ფეინოორდთან ახლოს იყო მინიმუმ ქულის აღებასთან. 

მისი მეტოქე ასევე ჩემპიონთა ლიგის დებიუტანტი გურამ კაშიას, სლოვანია. სლოვაკურმა გუნდმა ოცნება აიხდინა და ევროპის ყველაზე პრესტიჟულ ტურნირზე მოახერხა მოხვედრა. სლოვანმა საწყის ორ ტურში 9 ბურთი მიიღო საკუთარ კარში, რაც ტურნირის ყველაზე ცუდი მაჩვენებელია. ჟირონასთან გასვლით შეხვედრაში ვაისის გუნდი კვლავ აუტსაიდერია, მაგრამ გურამ კაშია და მისი თანაგუნდელები ეცდებიან ისტორიული ქულის აღებას. 

იუვენტუსი-შტუტგარტი 

შეცვლილ და ახალ ჩემპიონთა ლიგას, განახლებული და შეცვლილი ტურინის იუვენტუსი დაუბრუნდა. ტიაგო მოტას გუნდი ცდილობას, იტალიელი მწვრთნელის თამაშზე გადაწყობას. “ბიანკონერიმ“ ჩემპიონატიც და ლიგაც შესანიშნავად დაიწყო. სერია ა-ში გუნდი საჩემპიონო რბოლაშია ჩართული, ხოლო ევროპის ყველაზე პრესტიჟულ ტურნირზე, ორიდან ორი შეხვედრა მოიგო და მეშვიდე პოზიციაზე იმყოფება. იტალიელებს დიდი დანაკლისი აქვთ, გუნდს ტრავმების გამო. ბრემერი, კუპმეინერსი, მილიკი, მაკენი და გონსალესი ვერ დაეხმარებიან, ასევე ძირითადი მეკარე დი გრეგორიო დისკვალიფიცირებულია და კარს მატია პერინი დაიცავს. 

შტუტგარტი 1 ქულით არის. გერმანელები შემტევ ფეხბურთს თამაშობენ და გოლების გატა არ უჭირთ ერთადერთი იღბალი არაა მათ მხარეს და ძალიან რთული კალენდარი შეხვდათ. თან ბოლო შეხვედრაში ჩემპიონატში გუნდი ბაიერნთან 4-0 განადგურდა და ცუდ ფსიქოლოგიურ სვლაზეა.

პსჟ-პსვ 

ლუის ენრიკემ, რამდენიმე დღის წინ, ფრანგულ გუნდთან კონტრაქტი გაახანგრძლივა და ეს ყველაფერი სრულად დამსახურებულადაც ქნა. ესპანელის გუნდი ბრწყინავს, შესაძლოა პარიზულ გუნდში ისეთი დიდი სახელები აღარ გვხვდება, როგორც ადრე მაგრამ თამაშის ხარისხი ძალიან მაღალ დონეზეა აყვანილი და პირველ რიგში ეს ენრიკეს დამსახურებაა. მართალია გუნდმა წააგო ბოლო თამაში, ლიგაზე არსენალთან გუნდს არ უნდა გაუჭირდეს პლეიოფში მოხვედრა, შემდეგ მეტოქესთან პსვ-სთან ფრანგებმა დაგეგმილი 3 ქულა უნდა აიღონ. 

ნიდერლანდელები ჯერჯერობით მოგების გარეშე არიან. ერთი მარცხი და ერთი ფრე. პიტერ ბოშის გუნდი ჩემპიონატში დამაჯერებლად ლიდერობს. მთავარი აქცენტი სწორედ ლიგაზე უნდა გაკეთდეს და ფრანგულ გუნდთან შეხვედრა შეიძლება გადამწყვეტიც კი გამოდგეს. 

დღის ცენტრალური თამაში, სანტიაგო ბერნაბეუზე გაიმართება, კარლო ანჩელოტის რეალი, დორტმუნდს უმასპინძლებს. მოქმედმა ჩემპიონმა ბოლო ტურში, 1-0 დამარცხდა ლილთან. მანამდე კი შტუტგარტი დაამარცხა. რეალს დანი კარვახალი და დავიდ ალაბა დააკლდებიან.

დორტმუნდმა 6 ქულის აღება მოახერხა, გუნდმა 10 გოლი გაიტანა და 1 გოლი გაუშვა, ასეთი შედეგი არავის აქვს და რთული სათქმელია, მოახერხებს თუ არა რეალი დორტმუნდის დამარცხებას. 

ოთარ კიტეიშვილის, გრაცის შტურმი, ტურნირის დებიუტანტი და საკმაოდ ღირსეულ თამაშს გვთავაზობს. კიტეს გუნდი ორივე შეხვედრაში მინიმალური ანგარიშით დამარცხდა. შიდა ჩემპიონატში უპირობო ლიდერია და თავისი მთავარი მეტოქე რედ ბულ ზალცბურგი 5-0 დაამარცხა, რაც ნამდვილად ისტორიული შედეგია და გრაცელები მეორე ისტორიულ მაჩვენებელს ელოდებიან, რომელსაც ლიგაზე პირველი ქულა ერქმევა. 

კრისტიან ინცერის, გუნდის მეტოქე პორტუგალიური სპორტინგი იქნება. რუბენ ამორიმის გუნდი შიდა ჩემპიონატს ლიდერობს და ლიგაზე მარცხის გარეშე მიდის. “ლომებმა“ 4 ქულა აიღეს და მომდევნო თამაშში ფავორიტებად მიიჩნევიან. საუცხოო ფორმაშია ვიქტორ გიოკერსი, რომელიც გოლს გოლზე იტანს და შემდეგ თამაშშიც ემზადება მეკარის კარის ასაღებად.