ჩემპიონთა ლიგის კლასიკა — რეალი V მილანი

დღეს, უეფას ჩემპიონთა ლიგის 2024/25 წლების სეზონის მე-4 ტურის 9 დაპირისპირება გაიმართება.

განსაკუთრებულ ყურადღებას მადრიდში გასამართი მატჩი იწვევს, სადაც ერთმანეთს ტურნირის ორი ყველაზე ტიტულოვანი გუნდი შეხვდება — რეალი საკუთარ კედლებში მილანს უმასპინძლებს.

3 ტურის შემდეგ, სამეფო კლუბს 6 ქულა აქვს და მე-12 ადგილს იკავებს — ანჩელოტის გუნდმა დორტმუნდი და შტუტგარტი დაამარცხა, ხოლო ლილთან მოულოდნელად წააგო. მილანმა კი მძიმედ დაიწყო და ორი წაგებული მატჩის შემდეგ, მესამე ტურში ბრიუგეს აჯობა და 3 ქულით 25-ე პოზიციაზეა.

დღევანდელ შეხვედრაში გუნდებს ტრავმების გამო სავარაუდოდ 3-3 ფეხბურთელი დააკლდებათ. მადრიდელებს ალაბა, კარვახალი და კურტუა ვერ დაეხმარებიან, ხოლო მილანელებს ბენასერის, ფლორენცის და გაბიას გარეშე მოუწევთ თამაში.

გუნდების ბოლო 5 ურთიერთდაპირისპირებაში რეალს უპირატესობა აქვს — 3 მოგება, 1 ფრე და 1 წაგება. აღსანიშნავია, რომ რეალი და მილანი ჩემპიონთა ლიგაზე ერთმანეთს ბოლოს 2010 წელს შეხვდნენ და ორი მატჩიდან ერთი სამეფო კლუბმა მოიგო, ხოლო ერთი ფრედ დასრულდა.

ჩემპიონთა ლიგის სათამაშო დღის განრიგი:

პსვ V ჟირონა (21:40)
სლოვანი V დინამო ზაგრები (21:40)
ბოლონია V მონაკო (23:55)
სელტიკი V ლაიპციგი (23:55)
დორტმუნდი V შტურმი (23:55)
ლილი V იუვენტუსი (23:55)
ლივერპული V ლევერკუზენი (23:55)
რეალი V მილანი (23:55)
სპორტინგი V სიტი (23:55)