ავტორიზაცია
"ჩემპიონთა ლიგის მოგებაზე ვოცნებობთ" | ხვიჩა კვარაცხელიას სრული ინტერვიუ
ასტონ ვილასთან მატჩის შემდეგ, პარი სენ-ჟერმენის ერთ-ერთმა ლიდერმა, ხვიჩა კვარაცხელიამ კომენტარი გააკეთა.
"მატჩი რთულად დავიწყეთ, რადგან ბურთი გავუშვით, მაგრამ დუეს გოლმა ხასიათი გამოგვიკეთა და დავაქამბექეთ. ვცადეთ, უფრო მეტი გაგვეტანა. შედეგით კმაყოფილნი ვართ, თუმცა ასე გაგრძელება გვმართებს, რადგან წინ განმეორებითი დაპირისპირებაა და საქმე ჯერ არ დასრულებულა.
მნიშვნელობა არ აქვს, გოლს გავუშვებთ თუ გავიტანთ - 90 წუთის განმავლობაში კონცენტრირებულნი უნდა ვიყოთ. დღეს მეტოქეს ეს ვაჩვენეთ. ბირმინგემშიც ჩვენი თამაშის ჩვენება უნდა ვცადოთ და ვნახოთ, რა მოხდება.
ჩემი გოლი კარგად არ მახსოვს, მაგრამ გამეორებით ვნახავ, რამდენად კარგი გამოვიდა.
ვფიქრობ, ცხოვრებასა და ფეხბურთში ყველაფერი შესაძლებელია. უბრალოდ, თამაშზე ვართ კონცენტრირებულნი. რა თქმა უნდა, ჩემპიონთა ლიგის მოგებაზე ვოცნებობთ, მაგრამ თავმდაბალნი უნდა ვიყოთ, ვიმუშაოთ, მწვრთნელს დავუჯეროთ და მოედანზე ყველაფერი გავიღოთ.
ნაპოლის დატოვება რთული იყო, რადგან ეს ქალაქი, ქომაგები, გუნდი, ფეხბურთელები და მწვრთნელები მიყვარს. იქ ძალიან ბედნიერი ვიყავი, მაგრამ ეს ფეხბურთია და მომავლისთვის ნაბიჯი უნდა გადადგა. მიხარია, რომ ახლა აქ ვარ და ამ მოთამაშეებთან ვთამაშობ," - ხვიჩა კვარაცხელია.
ქართველმა ფეხბურთელმა ასტონ ვილას ულამაზესი გოლი გაუტანა და მატჩის საუკეთესო ფეხბურთელად დასახელდა.
