"ჩემთვის ამის წაკითხვა არასასიამოვნოა, ბრძოლისთვის მზად ვიყავი", - აშრაფმა რეალიდან ინტერში გადასვლის მიზეზი დაასახელა

„ინტერის“ მცველმა, აშრაფ ჰაკიმიმ, მადრიდის „რეალის“ დატოვების მიზეზებზე ისაუბრა.

ამ სეზონამდე, მაროკოელ ფეხბურთელს ორი სეზონი იჯარით „ბორუსია დორტმუნდში“ ჰქონდა გატარებული. როცა ყველას ეგონა, რომ ფეხბურთელი ზაფხულში „რეალში“ დაბრუნდებოდა, მადრიდულმა კლუბმა ის 40 მილიონ ევროდ „ინტერს“ მიჰყიდა. იწერებოდა, რომ აშრაფს დანი კარვახალთან კონკურენციის შეეშინდა. თუმცა, თავად ჰაკიმი სხვა რამეს ამბობს:

„რეალი ჩემი სახლი იყო, სადაც თამაში ყოველთვის მინდოდა. დაბრუნებას და ჩემი ადგილისთვის ბრძოლას ვაპირებდი, მაგრამ კლუბმა სხვაგვარად გადაწყვიტა.

ჩემთვის არასასიამოვნოა, როცა ამბობენ, რომ კონკურენციის შემეშინდა. ვგრძნობდი, რომ ამისთვის მზად ვარ.

არ ვიცი, ეს ზიდანის გადაწყვეტილება იყო თუ უშუალოდ კლუბის. პანდემიის სიტუაციიდან გამომდინარე, იძულებული ვიყავი წავსულიყავი.“ - აღნიშნა ჰაკიმიმ.