ჩილეს ნაკრების ექს-ფორვარდი: "თუ მლს-ში თამაშობ და ოქროს ბურთს იგებ, ესეიგი მთელი მსოფლიო შეიშალა"

ჩილეს ნაკრების ექს-ფორვარდი მაურისიო პინილია მიიჩნევს, რომ ლეო მესის მერვე ოქროს ბურთი არ დაუმსახურებია.

„თუ შენ, მლს-ში თამაშისას ოქროს ბურთს იგებ, ან ყველა შეიშალა, ან ამერიკული ლიგა მსოფლიო დონის გახდა.

ყველაფერი მსოფლიო ჩემპიონატმა გადაწყვიტა. მაგრამ მე ვერ ვხვდები, რატომ ვარქმევთ მას მთელი წლის ჯილდოს, თუ ყველაფერი ერთმა ტურნირმა გადაწყვიტა.

ჩემი აზრით, მთლიან წელში მესი საუკეთესო არ ყოფილა.“, - აღნიშნა პინილიამ.