"ჭორები ჭორებად რჩება", - ალფონსო დევისმა საკუთარ მომავალზე კომენტარი გააკეთა

იწერება, რომ კანადელი ფეხბურთელით მადრიდის „რეალი" ინტერესდება და მის ტრანსფერზე მუშაობას ამ ზაფხულსვე აპირებს.

„ჭორები ყოველთვის არის, მაგრამ ბოლოს ისინი იგივე ჭორებად რჩება. მე „ბაიერნთან" კიდევ ორწლიანი კონტრაქტი მაკავშირებს.

ამჟამად, ჩემი მთავარი მიზანი „ბაიერნში" თამაშის გაგრძელება და გუნდის მაქსიმალურად დახმარებაა.", - ციტირებს კანადელს ფაბრიციო რომანო.

აგორებულ საუბრებზე კომენტარი გააკეთა დევისის აგენტმა, მიკ ჰუსემაც: "ალფონსო „ბაიერნშია", რომელთანაც ორწლიანი კონტრაქტი აკავშირებს. არ ვიცით, რა მოხდება ერთ წელიწადში. მაგრამ მსოფლიოში მხოლოდ რამდენიმე კლუბი არსებობს, რომელშიც დევისი შეიძლება გადავიდეს."