"ჩვენი პოზიცია არ იცვლება", - ინგლისი რუსეთის წინააღმდეგ თამაშზე უარს აცხადებს

ინგლისის ოფიციალური განცხადების თანახმად, ისინი არ აპირებენ რუსული გუნდების წინააღმდეგ თამაშს, რომელსაც დღეს უეფამ სასჯელი მოუხსნა.

როგორც დღეს დადასტურდა, რუსეთის ახალგაზრდულ ნაკრებს უეფას ეგიდით გასამართ ტურნირებზე დაუშვებენ, რის ხარჯზეც ისინი 17-წლამდელთა ევროპის ჩემპიონატის შესარჩევში მიიღებენ მონაწილეობას. თუმცა, თამაშები ნეიტრალურ ტერიტორიაზე უნდა ჩატარდეს, რუსები კი ვერ გამოიყენებენ საკუთარ დროშას, ჰიმნს და ეროვნული ნაკრების ფორმას.

„ჩვენ უეფას ღონისძიებების მონაწილეთა რიცხვში რუსეთის დაბრუნებას მხარს არ ვუჭერთ.

ამრიგად, ჩვენი პოზიციები უცვლელია: ინგლისის ნაკრებები რუსეთის წინააღმდეგ არ ითამაშებენ.“, - ნათქვამია ინგლისის საფეხბურთო ასოციაციის განცხადებაში.