"ცხოვრება მეორე შანსს ყოველთვის იძლევა", - იერი მინამ ლეო მესისთან მომხდარი ეპიზოდი გაიხსენა

კოლუმბიის ნაკრების მცველმა, იერი მინამ, ლეო მესისთან მომხდარ ეპიზოდზე ისაუბრა, რომელიც კოპა ამერიკას ნახევარფინალში დაფიქსირდა.

მინამ თავისი თერთმეტმეტრიანი გააცუდა, რის შემდეგაც მესიმ მისი მიმართულებით რამდენჯერმე დაიყვირა: „მიდი, ახლა იცეკვე. იცეკვე, მიდი“, - იმიტომ, რომ კოლუმბიამ წინა მატჩიც პენალტებით მოიგო და იქ, თერთმეტმეტრიანიდან გოლის გატანა მინამ ცეკვით აღნიშნა.

VIDEO: "ახლა იცეკვე! მიდი, იცეკვე", - ლეო მესი ყოფილ თანაგუნდელს, აცილებული პენალტის შემდეგ

„ის, რაც მე და მესის მოგვივიდა, შეიძლება ყველას შორის მოხდეს, ეს ფეხბურთის ნაწილია. ცხოვრება ციკლურია, ყოველთვის იძლევა მეორე შანსს. მშვიდად ვარ, იმიტომ რომ ვიცი, რომ ლეო - შესანიშნავი ადამიანია.

მასთან ერთად „ბარსელონაში“ ვიყავი და მისი მადლიერი ვარ იმ მხარდაჭერის გამო, რომელიც მან გამომითქვა. მესით აღტაცებული ვარ.

იმ მომენტში, ორივე ჩვენგანი საკუთარი ნაკრებისთვის იბრძოდა.“ - აღნიშნა მინამ.