ცნობილია მსაჯი, რომელიც ესპანეთის სუპერთასის ფინალზე დაინიშნა

ესპანეთის სამეფო ფეხბურთის ფედერაციამ, სუპერთასის ფინალისთვის მსაჯის ვინაობა დაასახელა.

როგორც აღმოჩნდა, „ბილბაო“ – „ბარსელონას“ მატჩზე მთავარი არბიტრი ხესუს ხილ მანსანო იქნება, ვიდეორეფერის ეკრანს კი ალეხანდრო ერნანდეს ერნანდესი მიუჯდება.

შეხვედრა სევილიაში კვირას, 17 იანვარს გაიმართება.

შეგახსენებთ, რომ ნახევარფინალში „ბარსელონამ“ პენალტების სერიაში „სოსიედადს“ სძლია, „ბილბაომ“ კი „რეალის“ ბარიერი გაიარა (2:1).