ავტორიზაცია
ცნობილია თანხა, რომელიც ბარსელონამ ლას პალმასს პედრის გამო ბონუსის სახით უნდა გადაუხადოს
ესპანურ კლუბ "ლას პალმასს" კატალონიის "ბარსელონასგან" სოლიდური ბონუსი ეკუთვნის, იტყობინება ავტორიტეტული ესპანური გამოცემა AS.
"ბარსამ" 2019 წლის სექტემბერში კუნძულელთა რიგებიდან ახალგაზრდა ნახევარმცველის, პედრის დამატება დაადასტურა.
"ლურჯ-ბროწეულისფრებს" ტრანსფერი 12 მილიონი ევრო დაუჯდათ, შეთანხმებაში კი ჩაიდო პუნქტი, რომლის თანახმადაც თუ კატალონიელთა რიგებში ფეხბურთელი 50 მატჩს ჩაატარებდა, მაშინ სეგუნდას წარმომადგენელი დამატებით 5 მილიონს მიიღებდა.
შეგახსენებთ, 18 წლის პედრი გასულ სეზონში ჩატარებული მატჩების რაოდენობით რეკორდსმენი გახდა: 73 შეხვედრა.
