ავტორიზაცია
ცნობილია ზუსტი თანხა, რომელსაც მილანი ბელგიური ფეხბურთის ამომავალ ვარსკვლავში გადაიხდის
"მილანი" "ბრიუგეს" შემტევი ნახევარმცველის, შარლ დე კეტელარეს ტრანსფერზე მუშაობას ასრულებს.
როგორც გავლენიანი ინსაიდერი, ფაბრიციო რომანო იტყობინება, "როსონერი" ბონუსების ჩათვლით საერთო ჯამში 36 მილიონ ევროს გადაიხდის.
აქამდე დაიწერა, რომ სერია ა-ს მოქმედ ჩემპიონს 21 წლის ბელგიელის შეძენა 32+3 მილიონი დაუჯდებოდა.
კეტელარე მილანში დღეს ჩავა, სამედიცინო შემოწმებას გაივლის და ყველა საჭირო დოკუმენტს მოაწერს ხელს. ტრანსფერი ოფიციალურად დღეს უნდა დაიხუროს.
აღსანიშნავია, რომ ახალგაზრდა ამომავალი ვარსკვლავი "ბრიუგეს" აღზრდილია და პირველ გუნდში 2019 წლიდან ირიცხება.
გასულ სეზონში დე კეტელარემ ყველა ტურნირზე ერთად 49 მატჩი ჩაატარა, 18 გოლი გაიტანა და 10 შედეგიანი გადაცემაც ჩაიწერა საკუთარ აქტივში.
