"დაბრუნდი ჯუნგლებში, წყეულო მაიმუნო", - ვილიანს რასისტული შეურაცხყოფა მიაყენეს

"არსენალის" შემტევი ნახევარმცველი, ვილიანი სოციალურ ქსელში რასისტული შეურაცხყოფის მსხვერპლი გახდა.

32 წლის ბრაზილიელმა შეურაცხმყოფელი შეტყობინებების სქრინშოთი გამოაქვეყნა. მისი თქმით, ამასთან ბრძოლაა საჭირო.

"რაღაც უნდა შეიცვალოს. რასიზმთან ბრძოლა გრძელდება", - წერს ვილიანი Instagram-ში.

შეურაცხმყოფელი შეტყობინებები შემდეგნაირად გამოიყურება:

"ჯუნგლებში დაბრუნდი, წყეულო მაიმუნო".

"გაა*ვი, მაიმუნო".

კიდევ ერთმა ადამიანმა სამხრეთამერიკელს მაიმუნისა და ბანანის ემოჯები გაუგზავნა.

ვილიანმა მიმდინარე სეზონში პრემიერ ლიგაში 18 მატჩში მიიღო მონაწილეობა და 3 შედეგიანი გადაცემით გამოირჩა.