დალოდება სთხოვეს - ედინსონ კავანი ლა ლიგის გუნდს შეუთანხმდა, მაგრამ კონტრაქტს ჯერ არ აფორმებს

ურუგვაელი ვეტერანი თავდამსხმელი ედისონ კავანი ლა ლიგაში გადასვლასთან ახლოსაა.

როგორც იტალიელი ჟურნალისტი ნიკოლო სკირა იტყობინება, 35 წლის ფეხბურთელმა „ვილიარეალთან“ მიაღწია შეთანხმებას.

„ვილიარეალმა“ ფეხბურთელს დალოდება სთხოვა იქამდე, სანამ კლუბი კონფერენც ლიგის ჯგუფური ეტაპის საგზურს ოფიციალურად არ გაინაღდებს. სწორედ ამის შემდეგ გაფორმდება მხარეებს შორის ოფიციალური კონტრაქტი.

კავანის შეძენაზე პრეტენზიას ფრანგული „ნიცაც“ აცხადებს, რომელმაც ფეხბურთელს, გავრცელებული ინფორმაციით, უკეთესი პირობებიც შესთავაზა, თუმცა ურუგვაელის პრიორიტეტი ლა ლიგაში თამაში იყო.

ედინსონი გასული სეზონის ბოლოს „მან იუნაიტედიდან“ თავისუფალი აგენტის სტატუსით დატოვა.