ავტორიზაცია

დამალული ტრანსფერი, რომელზეც არავინ არაფერი იცის - ვინ არის დინამო ბათუმის ახალწვეული?

დამალული ტრანსფერი, რომელზეც არავინ არაფერი იცის - ვინ არის დინამო ბათუმის ახალწვეული?
თარიღი 01 თებ 2023, 23:33
რამდენიმე კვირის წინ დავწერეთ, რომ საქართველოს ახალგაზრდული ნაკრების ფეხბურთელი ივა გელაშვილი კარიერას "დინამო ბათუმში" გააგრძელებდა.

ამ ინფორმაციის ოფიციალურად დადასტურებას ბევრი გულშემატკივარი ელოდა, თუმცა ტრანსფერი დღემდე არ დადასტურებულა, რეალურად კი გელაშვილი მართლაც "დინამო ბათუმის" მოთამაშე გახდა.

საქმე იმაშია, რომ კლუბის ხელმძღვანელობამ გელაშვილი მაშინვე "საბურთალოში" გაანათხოვრა და ალბათ, ამ წამამდე არავინ იცის, რომ ის ამჟამად ბათუმელთა საკუთრებაშია.

მოგეხსენებათ, ივა გელაშვილი გასული სეზონის მეორე ნახევარში ბოლნისის "სიონში" თამაშობდა და თუ Transfermarkt-ს დავუჯერებთ, "დინამო ბათუმთან" კონტრაქტი მაშინაც გაფორმებული ჰქონდა და ბოლნისში იჯარით იყო, თუმცა კლუბს ოფიცილური ინფორმაცია ამის შესახებაც არ გაუვრცელებია

გამოდის, რომ 21 წლის ცენტრალური მცველი ახალ სეზონში იჯარის წესით "საბურთალოში" ითამაშებს. ის გუნდთან ერთად თურქულ შეკრებაზეა და მონაწილეობა ამხანაგურ მატჩშიც მიიღო.

ავტორი: ბაჩო ცალუღელაშვილი