დანი ოლმომ ბარსელონაში სათამაშო ნომერი აირჩია

ბარსელონამ ლაიფციგიდან დანი ოლმო შეიძინა - ფეხბურთელმა სამედიცინო შემოწმება უკვე გაიარა და მხოლოდ ტრანსფერის გაოფიციალურებაა დარჩენილი.

ბარსა ესპანელის სანაცვლოდ 55 მილიონს + €7 მილიონს (ბონუსები) გადაიხდის. ოლმო კატალონიურ კლუბთან 6-წლიან კონტრაქტს გააფორმებს.

Sport-ის ინფორმაციით, ბარსელონას ახალწვეულმა ნომერიც აირჩია - ის "ბლაუგრანაში" 20-ნომრიანი მაისურით იასპარეზებს.

მიმდინარე ზაფხულში ბარსელონა სერჟი რობერტომ დატოვა, შედეგად, 20 ნომერი ვაკანტურია.