დატოვებს თუ არა ნეიმარი ალ ჰილალს? - აგენტი ბრაზილიელის მომავალზე საუბრობს

ბრაზილიური გავლენიანი გამოცემების ინფორმაციით, ნეიმარი მზადაა, სანტოსში დაბრუნდეს. ბრაზილიელმა კარიერა სწორედ მშობლიურ კლუბში დაიწყო და იქ 2009-2013 წლებში ასპარეზობდა.

მიუხედავად ამისა, ფეხბურთელის აგენტი, პინი ზაჰავი გავრცელებულ ცნობებს უარყოფს: "ნეიმარის ალ ჰილალიდან წასვლაზე მოლაპარაკებები არ მიმდინარეობს. მას კლუბთან კონტრაქტი აკავშირებს და აქ ბედნიერია. ნეის მომავალზე საუბარი მხოლოდ მე და მამამისს შეგვიძლია. არ ვიცი, ეს ჭორები საიდან მოვიდა."

ნეიმარი ალ ჰილალში 2023 წლის ზაფხულში გადავიდა, მაგრამ მას შემდეგ მხოლოდ 7 შეხვედრა ჩაატარა. ჯერჯერობით, ჟუნიორის ანგარიშზე 1 გოლი და 3 ასისტია.

ჟუნიორი მოედანს 1-წლიანი პაუზის შემდეგ, 2024 წლის 21 ოქტომბერს, ალ აინთან მატჩში (5-4) დაუბრუნდა, მაგრამ 4 ნოემბერს, ესტეღლალთან შეხვედრაში (3-0) კვლავ ტრავმა მიიღო.