ავტორიზაცია
დავიდ ალაბამ, შესაძლოა, კარიერა დაასრულოს
მადრიდის რეალის ცენტრალური მცველი, დავიდ ალაბა უკვე დიდი ხანია, გუნდს ვერ ეხმარება. ავსტრიელმა მცველმა გასულ სეზონში მუხლის მძიმე ტრავმა მიიღო და უკვე 10 თვეა, მოედანს ვერ უბრუნდება. პრესაში იმაზეც წერენ, რომ ავსტრიის ნაკრების კაპიტანმა, შესაძლოა, კარიერა დაასრულოს.
სანამ ალაბა ტრავმას მიიღებდა, 5 წლის განმავლობაში მხოლოდ 33 შეხვედრა ჰქონდა გამოტოვებული. მადრიდული კარიერის პირველ სეზონში დავიდმა რეალის მხოლოდ 9 შეხვედრა გამოტოვა, მეორე სეზონში კი - 13.
რეალში გადასვლისთანავე ალაბა გუნდის ერთ-ერთ ლიდერად ჩამოყალიბდა და გუნდელების თქმით, მათ ისეთი შეგრძნება ჰქონდათ, თითქოს ავსტრიელი უკვე ბევრი წელია, კლუბის სტრუქტურაშია. სამწუხაროდ, არის იმის ალბათობა, რომ დავიდ ალაბა მწვანე მინდორს ვეღარ დაუბრუნდეს.
