დავიდ დე ხეა ფეხბურთს უბრუნდება - ესპანელი სერია ა-ში ითამაშებს

მანჩესტერ იუნაიტედის ყოფილი ფეხბურთელი, დავიდ დე ხეა პროფესიონალურ ფეხბურთს უბრუნდება.

ფაბრიციო რომანოს ცნობით, ესპანელი მეკარე კარიერას იტალიის ჩემპიონატში გააგრძელებს და ფიორენტინას შეუერთდება.

მხარეებმა ვერბალურ შეთანხმებას მიაღწიეს - დე ხეა ფლორენციელებთან 1+1-წლიან კონტრაქტს გააფორმებს. მგზავრობა და სამედიცინო შემოწმება უკვე დაგეგმილია.

ტრანსფერზე ესპანელმა აგენტებმა - ხოსე ლორენსომ და ხოსე კარლოსმა - და იტალიელმა შუამავლებმა იმუშავეს.

დავიდ დე ხეამ მანჩესტერ იუნაიტედი 2023 წელს დატოვა და მას შემდეგ უგუნდოდ იყო.