დავიდ ლუიზი შესაძლოა ევროპაში დაბრუნდეს — გრანდი, რომელსაც ბრაზილიელის დამატებას სთავაზობენ
"ფლამენგოს" ცენტრალური მცველი, დავიდ ლუისი შესაძლოა ევროპაში დაბრუნდეს, იუწყება გავლენიანი გამოცემა Goal.com-ი.
გავრცელებული ინფორმაციით, ბრაზილიურმა კლუბმა 35 წლის უკანახაზელის შეძენა მილანის "ინტერს" შესთავაზა, ამჟამად "ნერაძური" გუნდის გასაძლიერებლად მისი დამატების შესაძლებლობას განიხილავს.
შეგახსენებთ, დავიდ ლუისი "ფლამენგოს" გასული წლის სექტემბერში შეუერთდა. მიმდინარე სეზონში მან ყველა ტურნირზე ერთად 27 მატჩი ჩაატარა.
გამოცდილ უკანახაზელს სამხრეთამერიკულ კლუბთან მოქმედი კონტრაქტის ვადა 2022 წლის 31 დეკემბრამდე აკავშირებს, მისი სატრანსფერო ფასი კი 2 მილიონ ევროს შეადგენს.
მოგეხსენებათ, ლუისს ევროპაში ისეთი გუნდების ღირსება დაუცვია, როგორებიც "ბენფიკა", "ჩელსი", "პსჟ" და "არსენალი" არიან. აღსანიშნავია, რომ დავიდს ბრაზილიის ნაკრების მაისურით 57 მატჩი აქვს ჩატარებული.
