დავიდ სილვამ კარიერის დასრულება გადაწყვიტა

37 წლის ნახევარმცველმა დავიდ სილვამ, რომელიც ამჟამად ესპანეთის ჩემპიონატში "რეალ სოსიედადში" თამაშობს, კარიერის დასრულება გადაწყვიტა. ამის შესახებ El Larguero-ს იუწყება.

როგორც წყაროსთვის გახდა ცნობილი, ფეხბურთელი მუხლზე ჯვარედინი ლიგატების დაზიანების გამო ბუცებს ლურსმანზე დაკიდებს. ის გუნდის ერთ-ერთ ბოლო ვარჯიშზე დაშავდა.

ნახევარმცველმა გასულ სეზონში "რეალ სოსიედადში" 34 მატჩი ჩაატარა ყველა ტურნირზე, სამი გოლი გაიტანა და 7 საგოლე გადაცემა გააკეთა.