დე ძერბიმ ინგლისელი მსაჯები და VAR-ის მუშაობა გააკრიტიკა

"ბრაიტონის" მთავარმა მწვრთნელმა რობერტო დე ძერბიმ პრემიერ ლიგაში მსაჯების მუშაობაზე ისაუბრა.

ინგლისის ჩემპიონატის მე-12 ტურში "ბრაიტონმა" "შეფილდ იუნაიტედთან" ფრედ ითამაშა, შეხვედრა ანგარიშით 1:1 დასრულდა.

„არ მომწონს ინგლისელი მსაჯების 80%-ის მოქმედება. გარდა ამისა, ინგლისი ერთადერთი ქვეყანაა, რომელშიც ვერ იქნები დარწმუნებული, რომ VAR სამართლიანია“, - ციტირებს იტალიელი მწვრთნელს The Athletic-ი.

12 ტურის შემდეგ "ბრაიტონი" ინგლისის პრემიერ ლიგის სატურნირო ცხრილში 19 ქულით მე-8 ადგილზეა.