დღეს, FIFA The Best-ის დაჯილდოვება გაიმართება - როგორია ნომინანტთა სია?

დღეს, 15 იანვარს, ჩვენი დროით 23:30 საათზე FIFA The Best-ის ყოველწლიური დაჯილდოვება გაიმართება. კიდევ ერთხელ გადავავლოთ თვალი ნომინანტთა სიას.

წლის საუკეთესო ფეხბურთელის წოდებისთვის იბრძოლებენ ლიონელ მესი (ინტერ მაიამი, არგენტინის ნაკრები), კილიან მბაპე (პარი სენ-ჟერმენი, საფრანგეთის ნაკრები) და ერლინგ ჰოლანდი (მანჩესტერ სიტი, ნორვეგიის ნაკრები).

2023 წლის საუკეთესო მწვრთნელი - ხოსეპ გვარდიოლა (მანჩესტერ სიტი), ლუჩანო სპალეტი (იტალიის ნაკრები/ნაპოლი) და სიმონე ინძაგი (მილანის ინტერი).

რაც შეეხება წლის საუკეთესო მეკარეს - ტიბო კურტუა (მადრიდის რეალი, ბელგიის ნაკრები), ედერსონ მორაესი (მანჩესტერ სიტი, ბრაზილიის ნაკრები) და იასინ ბონო (ალ-ჰილალი, მაროკოს ნაკრები).

ფერენც პუშკაშის სახელობის ჯილდოსთვის კი იბრძოლებენ ხულიო ენსისო (ბრაიტონი), ნუნუ მიგელ სანტუში (სპორტინგი) და გილერმე მადრუგა (ბოტაფოგო).

აღსანიშნავია, რომ წლის საუკეთესო ფეხბურთელის წოდებისთვის თავდაპირველად წარმოდგენილი იყო 12 კანდიდატი, პრეტენდენტებს შორის ხვიჩა კვარაცხელიაც ფიგურირებდა.

ქართველი შემტევის სახელმა 12 საუკეთესო მოთამაშეს შორის გასული წლის სექტემბერში გაიჟღერა, დეკემბრისთვის კი აღნიშნული სია უკვე სამ ფეხბურთელამდე შემცირდა.