დიდებული სიახლე ნაპოლიდან - ხვიჩამ საერთო ჯგუფში ივარჯიშა და სასუოლოსთან სათამაშოდ მზად უნდა იყოს

სერია ა-ს პირველი ტურის მატჩის გამოტოვების შემდეგ, ხვიჩა კვარაცხელია საერთო ჯგუფში ვარჯიშს დაუბრუნდა.

როგორც იცით, ქართველმა ფეხბურთელმა „ფროზინონესთან“ პირველი ტურის შეხვედრა კუნთის გადაღლილობის გამო გამოტოვა, მისმა გუნდმა კი 3:1 ოსიმენის დუბლითა და პოლიტანოს გოლით მოიგო.

დღეს, 22 აგვისტოს, რუდი გარსიას გუნდისთვის კარგი სიახლეები გამოჩნდა - კვარაცხელია დაბრუნდა და საერთო ჯგუფთან ერთად სრული დატვირთვით ივარჯიშა.

შესაბამისად, 27 აგვისტოს, „სასუოლოსთან“ სერია ა-ს მეორე ტურის მატჩში, კვარამ მონაწილეობა უპრობლემოდ უნდა შეძლოს.