დიდი ბრძოლა და მორიგი პენალტები - ბარსელონა სუპერთასის ფინალში გავიდა და კვირას რეალს დაუპირისპირდება

შეხვედრა საუდის არაბეთში გაიმართა და ფრედ 2:2 დასრულდა, თუმცა „ბარსამ" გამარჯვება პენალტების სერიაში მოიპოვა.

პირველი ტაიმის მიწურულს რობერტ ლევანდოვსკიმ „ბარსელონა" დააწინაურა, თუმცა „ბეტისმა" ანგარიშის გათანაბრება 77-ე წუთზე ნაბილ ფეკირის გოლით მოახერხა და საქმე დამატებით დროში გადავიდა.

ექსტრა-ტაიმში ანსუ ფატიმ „ბარსა" კვლავ დააწინაურა, თუმცა ანდალუსიელებმა მეორედაც აღადგინეს წონასწორობა, 101-ე წუთზე მორონმა მოახერხა თავის გამოჩენა.

საბოლოოდ, საქმე პენალტებამდე მივიდა, სადაც „ბარსელონამ" თავისი 4-ვე პენალტი ზუსტად შეასრულა, „ბეტისმა" კი 4-დან მხოლოდ 2 გაიტანა და შედეგად დამარცხდა. ორივე შემთხვევაში მეტოქეს მარკ-ანდრე ტერ შტეგენმა აჯობა.

ამრიგად, „ბარსა" ფინალში გავიდა, სადაც კვირას, 15 იანვარს, მადრიდის „რეალს" დაუპირისპირდება, რომელმაც ასევე პენალტების სერიაში თავის ნახევარფინალში „ვალენსიას" აჯობა.