დიდი ცვლილებები გაგრაში - ერთ-ერთი უმსხვილესი კომპანია სპონსორად და კრიზისის დაძლევა

მთელი სეზონის განმავლობაში, გუნდში მძიმე სიტუაცია იყო. ფეხბურთელები დაახლოებით 3-4 თვე უხელფასოდ იყვნენ და მოედანზე სათამაშოდ ასე გადიოდნენ.

ახალი წლიდან კი ეს პრობლემა ნაკლებად იქნება, რადგან GOAL.GE-ს ინფორმაციით, "გაგრას" ახალი სპონსორი ეყოლება.

ჩვენი ცნობით, კლუბში საქართველოს ერთ-ერთი უმსხვილესი კომპანია შედის, რომლის შესახებაც ინფორმაციას გუნდი უახლოეს მომავალში გამოაცხადებს. 

საშინაო მატჩებს "გაგრა" "დინამო არენაზე" ატარებდა. ჯერჯერობით უცნობია, სად ითამაშებენ ისინი ახალი სეზონიდან, რადგან "დინამო არენას" სტადიონზე რეკონსტრუქცია იწყება.