ავტორიზაცია
დიეგო მარადონა — ინგლისური კლუბები, რომელში გადასვლასთანაც ახლოს იყო და გუნდი, რომელსაც მხარს უჭერდა
2019 წელს, FourFourTwo-სთან ინტერვიუში, ლეგენდარულმა დიეგო არმანდო მარადონამ დაასახელა 2 ინგლისური კლუბი, რომელში გადასვლასთანაც ახლოს იყო.
"შეფილდ იუნაიტედი და არსენალი. მაგრამ "ელ ფლაკო" მენოტიმ ამის უფლება არ მომცა - მან მითხრა, რომ ძალიან ახალგაზრდა ვიყავი. ის არგენტინის ახალგაზრდულ ნაკრებში ჩემი მწვრთნელი იყო და 1979 წელს მსოფლიო ჩემპიონატი მოვიგეთ. მენოტიმ მითხრა, რომ არგენტინოს ხუნიორსში დავრჩენილიყავი და ასეც მოვიქეცი," - ამბობდა დიეგო მარადონა.
ამასთან, დიეგომ ფავორიტი ბრიტანული გუნდიც დაასახელა: "დიდი ხნის განმავლობაში მანჩესტერ იუნაიტედს ვქომაგობდი. იქ ბევრი დიდებული ფეხბურთელი თამაშობდა და ალექს ფერგიუსონს შესანიშნავი კოლექტივი ჰყავდა. ვიცი, რომ ასეთი ცვლილება არ უნდა მოხდეს, მაგრამ შემდეგ კუნის (სერხიო აგუერო) გამო მანჩესტერ სიტიზე გადავერთე."
არგენტინის გარდა, მარადონას ესპანეთსა და იტალიაში უთამაშია. მისი პირველი ევროპული კლუბი ბარსელონა იყო.
temo
ტოპ კომენტარი
0
13 Feb 2025, 17:03
კუნის (სერხიო აგუერო) გამო მანჩესტერ სიტიზე გადავერთე."/ რა თქმა უნდა საკუთარ სიძეს უგულშემატკივრებდა.
