დილა სტუმრადაც დამარცხდა - ევროტურნირებს ყველა ქართული გუნდი გამოეთიშა

ამ გუნდებს შორის გამართული პირველი მატჩი თბილისში შედგა და კვიპროსელთა გამარჯვებით, 2:0 დასრულდა.

განმეორებით შეხვედრაში, 'დილამ" თამაში აქტიურად დაიწყო, ბურთს ფლობდა და ტაიმის ბოლოს მომენტებიც შექმნა, თუმცა გოლი ვერ გაიტანა.

მეორე ტაიმის სტარტზე კი "აპოელმა" სახიფათო შეტევა გოლით დაასრულა, უპირატესობა ბოლომდე შეინარჩუნა და 1:0 გაიმარჯვა.

ცნობილია, რომ კონფერენს ლიგის ფლეი-ოფში "აპოელი" "გენტს" დაუპირისპირდება. წლევანდელ ევროტურნირებს კი ყველა ქართული გუნდი გამოეთიშა.