"დონარუმა მათ შორისაა", - ბუფონმა მსოფლიოს 3 საუკეთესო გოლკიპერი დაასახელა
ლეგენდარულმა იტალიელმა გოლკიპერმა, ჯანლუიჯი ბუფონმა თანამემამულე ჯანლუიჯი დონარუმას მხარი დაუჭირა.
მოგეხსენებათ, ჩემპიონთა ლიგაზე "რეალთან" გამართულ საპასუხო 1/8 ფინალურ მატჩში "პსჟ"-მ პირველი გოლი 23 წლის მეკარის შეცდომის შედეგად გაუშვა. საბოლოო ჯამში, შეხვედრა მადრიდულმა გრანდმა ანგარიშით 3:1 მოიგო და პარიზელები ტურნირს გამოეთიშნენ.
"დონარუმას ადვოკატები არ სჭირდება. ასეთი შეცდომები სასარგებლოა. ამას იმიტომ ვამბობ, რომ ნამდვილად ასე ვფიქრობ. ეს განვითარების გზის ნაწილია".
"დარწმუნებული ვარ, ამას უარყოფითი შედეგები არ მოჰყვება, პრობლემები არ შეექმნება. უფრო მეტიც, დონარუმამ უკვე დაამტკიცა, რომ ასეთი დელიკატური ეპიზოდების დასაძლევად საჭირო ძალას ფლობს".
"დონარუმა მსოფლიოს ერთ-ერთი საუკეთესო მეკარეა. ტოპ სამეულში შედის, კურტუასთან და ნოიერთან ერთად", - განუცხადა "პარმას" მეკარემ Corriere dello Sport-ს.
