დონარუმას პსჟ-ში აღარ ენდობიან - ჯიჯოთი იტალიური გრანდი ინტერესდება

პარიზელთა იტალიელ კიპერს, ჯანლუიჯი დონარუმას მშვიდად ყოფნის საშუალება არ აქვს, რადგან ბოლო პერიოდში ის რუსმა მატვეი საფონოვმა სასტარტო შემადგენლობიდან ამოაგდო.

გავრცელებული ცნობებით, დონარუმამ, შესაძლოა, გუნდი დატოვოს - მის მიმართ ინტერესს ინტერ მილანი იჩენს. ამჟამად, "ნერაძურის" კარს იან ზომერი იცავს, მაგრამ იტალიელებს ახალგაზრდა გოლკიპერის დამატებაც სურთ.

დონარუმას ფრანგულ კლუბთან კონტრაქტი 2026 წლის 30 ივნისამდე აქვს გაფორმებული. პსჟ-ის გეგმებში ჯიჯოს უფასოდ დაკარგვა არ შედის, რაც ნიშნავს, რომ მათ ფეხბურთელი 2025 წლის ზაფხულში უნდა გაყიდონ.