ავტორიზაცია
დორივალ ჟუნიორი: 2026 წლის მსოფლიო ჩემპიონატის ფინალში გავალთ
ბრაზილიის ნაკრების მთავარმა მწვრთნელმა, დორივალ ჟუნიორმა პრესკონფერენციაზე საინტერესო კომენტარი გააკეთა.
"2026 წლის მსოფლიო ჩემპიონატის ფინალში გავალთ. ფინალისტები ვიქნებით. შეგიძლიათ, ამის თქმისას გადამიღოთ. იქ ვიქნებით," - განაცხადა "სელესაოს" თავკაცმა.
ბრაზილია მსოფლიო ჩემპიონატზე ყველაზე წარმატებული გუნდია, თუმცა ბოლოს ჩემპიონი 2002 წელს გახდა. 2014 წელს მათ მუნდიალს უმასპინძლეს და ნახევარფინალში გავიდნენ, მაგრამ გერმანიასთან 1-7 წააგეს. ბრაზილიელები 2018 წელს მეოთხედფინალში ბელგიასთან დამარცხდნენ (1-2), 2022 წელს კი იმავე ეტაპზე ტურნირს ხორვატიასთან პენალტების სერიაში გამოეთიშნენ.
