დორტმუნდი ვერდერის თავდამსხმელისთვის ბრძოლაში ჩაერთო

"დორტმუნდი" "ვერდერის" თავდამსხმელ მილოტ რაშიცას ხელში ჩაგდებას აპირებს, წერს The Telegraph.

გავრცელებული ინფორმაციით, ბორუსიელები მზად არიან 24 წლის კოსოვოელის გამოსასყიდი თანხა გადაიხადონ, რომელიც 38 მილიონ ევროს შეადგენს.

როგორც აღინიშნება, "დორტმუნდი" ამ ზაფხულს რაშიცათი ჯეიდონ სანჩოს ჩანაცვლებას აპირებენ, ეს უკანასკნელი "მანჩესტერ იუნაიტედში" გადასვლასთანაა ახლოს.

რაშიცამ ამ სეზონში "ვერდერის" მაისურით 34 მატჩი ჩაატარა, 11 გოლი გაიტანა და 8 შედეგიანი გადაცემა გააკეთა.