დორტმუნდმა უხვგოლიან და დაძაბულ მატჩში სტუმრად შტუტგარტი დაამარცხა [VIDEO]

გერმანიის ჩემპიონატის 27-ე ტურის ეგიდით, "დორტმუნდი" "შტუტგარტს" ესტუმრა.

აღნიშნული დაპირისპირება ბორუსიელთა გამარჯვებით დასრულდა - 2:3.

ანგარიში მე-17 წუთზე გაიხსნა - საშა კალაიჯიჩმა მასპინძლები დააწინაურა და პირველი ტაიმიც მოაგებინა.

თუმცა, წონასწორობა მეორე ტაიმის სტარტზევე აღდგა - 47-ე წუთზე, ჯუდ ბელინგემმა გაიტანა. ზუსტად 5 წუთში მარკო როისმა "დორტმუნდი" უკვე დააწინაურა.

78-ე წუთზე, დანიელ დიდავიმ ანგარიში გაათანაბრა, მაგრამ სტუმრებს სამი ქულა მე-80 წუთზე ანსგარ კნაუფის ზუსტმა დარტყმამ მოუტანა.

ამ გამარჯვების შემდეგ, "დორტმუნდი" ბუნდესლიგის სატურნირო ცხრილში 43 ქულით მე-5 ადგილს იკავებს, "შტუტგარტი" კი 39 ქულით მე-9 პოზიციაზეა.

ვიდეომიმოხილვა