"ძალიან მოტივირებული ვიყავი" - გიორგი ლორია სუპერ მატჩის შესახებ
ვიპროსის ჩემპიონატის გადადებული, მე-16 ტურის მატჩში აპოელი საკუთარ მოედანზე ანორთოსისთან 0-2 დამარცხდა.
მასპინძელთა შემადგენლობაში სასტარტო შემადგენლობიდან ითამაშეს გიორგი ქვილითაიამ და მურთაზ დაუშვილმა, თორნიკე ოქრიაშვილი თამაშში ცვლილებიდან ჩაერთო, ხოლო ქეცბაიას გუნდში გიორგი ლორიამ შეუცვლელად ითამაშა.
"ფანტასტიკური გრძნობაა. აპოელი დიდი გუნდია და მათთან თამაში ყოველთვის რთულია. ორმაგად ბედნიერი ვარ: მოგების გარდა, მშრალადაც შევინაზხე კარი.
ძალიან მოტივირებული ვიყავი. გარდა იმისა, რომ აპოელს ვხვდებოდით, დაპირისპირება ჩემს საუკეთესო მეგობრებთან: გიორგი ქვილითაიასთან, თორნიკე ოქრიაშვილთან და მურთაზ დაუშვილთან მიწევდა. ისინი შესანიშნავი ფეხბურთელები არიან და მინდოდა მათთვის მომეგო," - განაცხადა გიორგი ლორიამ.
კვიპროსის ჩემპიონატის 21 ტურის შემდეგ ანორთოსისს სატურნირო ცხრილში 37 ქულა აქვს და მე-2 პოზიციაზეა.
