"ეგვიპტელი მეფე ყველაფერს თავისი განკარგულებით მართავს" - სალაჰმა კონტრაქტი გაახანგრძლივა?

ეგვიპტელმა ჟურნალისტმა, ჰაიტჰამ ფარუკმა X-ზე მოჰამედ სალაჰს კონტრაქტის გახანგრძლივება მიულოცა.

"გილოცავ ისეთი კონტრაქტს გაფორმებას, როგორიც გსურდა. ეგვიპტელი მეფე ყველაფერს თავისი განკარგულებით მართავს" - წერს ჰაიტჰამი და ამ პოსტს სალაჰთან გადაღებულ ფოტოსაც ურთავს.

ფეხბურთელს ფარუკი გამოწერილ ჰყავს. აღსანიშნავია, რომ მოჰამედი მხოლოდ 146 ანგარიშს აფოლოვებს, რაც გვაფიქრებინებს, რომ ეს ჟურნალისტი სანდოა. 

აქ უცნაური ამბავი ისაა, რომ სალაჰის კონტრაქტის გახანგრძლივება არავის დაუდასტურებია, რომ არაფერი ვთქვათ ოფიციალურ განცხადებაზე.

სალაჰმა ლივერპულთან ახალი კონტრაქტის გაფორმების სურვილი არაერთხელ გამოთქვა. მისი ამჟამინდელი ხელშეკრულება 2025 წლს 30 ივნისს იწურება.