ავტორიზაცია
ენდი რობერტსონი: არნე სლოტი ევროზე ფოკუსირების საშალებას გვაძლევს
ლივერპულის მარცხენა მცველი, ენდრიუ რობერტსონი კლუბის ახალ მთავარ მწვრთნელზე, არნე სლოტზე საუბრობს.
"არნესთან ჯერ არ მისაუბრია. ვფიქრობ, ის ევროზე ფოკუსირების საშუალებას გვაძლევს.
ეს დიდებული ახალი გამოწვევაა. ძველი ერა განსაკუთრებული იყო, მაგრამ ახალი მწვრთნელის მოსვლით აღფრთოვანებული ვარ.
ახალი იდეები, ახალი ხმა... ფორმას შევინარჩუნებთ. ახალი მწვრთნელი შესანიშნავია და მასთან მუშაობის დაწყებას მოუთმენლად ველი," - თქვა შოტლანდიელმა Sky Sports-თან საუბრისას.
სლოტმა ლივერპულის მთავარი მწვრთნელის პოსტზე იურგენ კლოპი ჩაანაცვლა, მაგრამ ნიდერლანდელი ახალ გუნდს ჯერ არ შეხვედრია. პრესეზონი ივლისში დაიწყება, ხოლო ის ფეხბურთელები, რომლებიც ევროსა და კოპა ამერიკაზე ითამაშებენ, დამატებით შვებულებას მიიღებენ.
