ენდრიკის სადებიუტო გოლი და რეალ მადრიდის პირველი მოგება ლა ლიგაში

50-ე წუთზე კარლო ანჩელოტის გუნდი ფედე ვალვერდემ დააწინაურა და თითქმის მთელი შეხვედრა ერთბურთიანი სხვაობით იგებდა, თუმცა მატჩის მიწურულს მადრიდლებმა კიდევ 2 გოლი გაიტანეს. 88-ე წუთზე ბრაჰიმ დიასმა ანგარიში ორამდე გაზარდა, კომპენსირებული დროის მე-6 წუთზე კი ენდრიკმა რეალ მადრიდის მაისურით სადებიუტო გოლი გაიტანა და საბოლოო ანგარიში დააფიქსირა: 3-0.

აღსანიშნავია, რომ ენდრიკი რეალ მადრიდის ისტორიაში ყველაზე ახალგაზრდა (18 წლისა და 35 დღის) ლეგიონერი გახდა, ვინც ლა ლიგაში გაიტანა. ეს ბრაზილიელისთვის ახალ კლუბში პირველი ოფიციალური მატჩი იყო - მან 86-ე წუთზე კილიან მბაპე შეცვალა.

მომდევნო ტურში ვალიადოლიდი ლეგანესს დაუპირისპირდება (28 აგვისტო, 21:00), რეალ მადრიდი კი - ლას პალმასს (29 აგვისტო, 23:30).