ერიკ კანტონა იუნაიტედიდან ფერგიუსონის გაშვებაზე: 'ეს დიდი უპატივცემულობაა, სერ ალექს ამ კლუბში ყველაფრის გაკეთება უნდა შეეძლოს'

გუშინ ცნობილი გახდა, რომ მანჩესტერ იუნაიტედის ახალმა მფლობელებმა სერ ალექს ფერგიუსონს კლუბის ელჩს თანამდებობა ჩამოართვეს.

აღნიშნულ ფაქტს, "წითელი ეშმაკების" ლეგენდა, ერიკ კანტონა გამოეხმაურა:

"სერ ალექს ფერგიუსონს ცხოვრების ბოლომდე უნდა შეეძლოს, რომ ამ კლუბში ყველაფერი გააკეთოს, რაც სურს. ეს დიდი უპატივცემულობაა. სერ ალექსი სამუდამოდ ჩემი ბოსი იქნება. ვინც ეს გადაწყვეტილება მიიღო, ნაგვის ურნაში უნდა მოისროლო," - წერს ლეგენდარული ფრანგი.

შოტლანდიელი ლეგენდა მანჩესტერ იუნაიტედის ელჩის პოსტს, სამწვრთნელო კარიერის დასრულების შემდეგ, 2013 წლიდან იკავებდა. როგორც ირკვევა, კლუბში ეს გადაწყვეტილება ხარჯების დაზოგვის მიზნით მიიღეს.