ერიკ ტენ ჰაგის პირველი ტრანსფერი მანჩესტერში! ინგლისელებმა კონფერენს ლიგის ვიცე-ჩემპიონი დაიმატეს!

"ფეიენოორდის" ახალგაზრდა მარცხენა ფლანგის მცველი კარიერას "მანჩესტერ იუნაიტედში" გააგრძელებს.

"წითელმა ეშმაკებმა" 22 წლის ტირელ მალასია დაიმატეს, რომელიც ინგლისურ გრანდთან გრძელვადიან კონტრაქტს გააფორმებს. ტრანსფერის ღირებულება 15 მილიონია, ხოლო ბონუსის სახით როტერდამული კლუბი 2 მილიონ ევროს მიიღებს - ამ ინფორმაციას ადასტურებს ფაბრიციო რომანოც.

ფეხბურთელის დამატებით სერიოზულად იყო დაინტერესებული ფრანგული "ლიონიც", მაგრამ დაძაბულ ბრძოლაში ბრიტანელებმა გაიმარჯვეს. ეს გახლავთ პირველი ტრანსფერი, რომელიც გუნდში მისვლის შემდეგ ერიკ ტენ ჰაგმა განახორციელა.