ერიქსენი სეზონის ბოლოს მანჩესტერს უფასოდ დატოვებს — სად გააგრძელებს კარიერას დანიელი?

მანჩესტერ იუნაიტედსა და კრისტიან ერიქსენს შორის ახალ კონტრაქტზე მოლაპარაკებები არ მიმდინარეობს და დანიელი ნახევარმცველი გუნდს სეზონის ბოლოს თავისუფალი აგენტის სტატუსით დატოვებს.

32 წლის ფეხბურთელი დიდი ალბათობით ნიდერლანდებში გადაბარგდება და აიაქსში დაბრუნდება — სწორედ ამსტერდამულ კლუბში დაიწყო მან პროფესიონალური საფეხბურთო კარიერა 2010 წელს.

შეგახსენებთ, რომ კრისტიან ერიქსენი მანჩესტერ იუნაიტედში 2022 წელს გადავიდა და წითელი ეშმაკების მაისურით ჩატარებულ 81 მატჩში 6 გოლი გაიტანა და 16 ასისტი გაიფორმა.