ერლინგ ჰოლანდმა ჩემპიონთა ლიგაზე რეკორდი დაამყარა

ჩემპიონთა ლიგის 2025/26 წლების სეზონის პირველ ტურში, მანჩესტერ სიტის ფორვარდმა, ერლინგ ჰოლანდმა ტურნირის ახალი რეკორდი დაამყარა.

ნაპოლის წინააღმდეგ მატჩი, 25 წლის ნორვეგიელმა თავდამსხმელმა ძირითადი შემადგენლობიდან დაიწყო და 56-ე წუთზე ანგარიში გახსნა, რასაც 9 წუთში დოკუს გოლიც მოჰყვა.

აღნიშნული გოლი ჰოლანდისთვის რეკორდული აღმოჩნდა — მან ჩემპიონთა ლიგის ისტორიაში 50 გოლის გატანა ყველაზე ცოტა, 49 მატჩში შეძლო. მანამდე რეკორდი რუდ ვან ნისტელროის ეკუთვნოდა, რომელმაც 62 მატჩში მეტოქეთა კარი 50-ჯერ აიღო.

TOP 10 — ყველაზე სწრაფად გატანილი 50 გოლი ჩემპიონთა ლიგის ისტორიაში

ერლინგ ჰოლანდი — 49 მატჩი
რუდ ვან ნისტელროი — 62 მატჩი
ლიონელ მესი — 66 მატჩი
რობერტ ლევანდოვსკი — 77 მატჩი
კილიან მბაპე — 79 მატჩი
კარიმ ბენზემა — 88 მატჩი
კრიშტიანუ რონალდუ — 91 მატჩი
რაული — 97 მატჩი
ტიერი ანრი — 103 მატჩი
ტომას მიულერი — 130 მატჩი