ეროვნული ლიგა 2-დან სერია ა-ში - იტალიაში კიდევ ერთი ქართველი ითამაშებს

ახალგაზრდა მცველი აკაკი გიუნაშვილი კარიერას სერია ა-ს კლუბ "ფროსინონეში" გააგრძელებს.

"ხვალ ფოთის კოლხეთი 1913-ის ფეხბურთელი, საქართველოს 19 წლამდელთა ნაკრების წევრი აკაკი გიუნაშვილი იტალიაში მიემგზავრება სადაც უფასო იჯარის წესით სერია A-ს დებიუტანტ ფროზინონეს რიგებში ჩაირიცხება.

 
წარმატებები და კარიერული წინსვლა ვუსურვოთ კოკას აპენინებზე....", - წერს გიუნაშვილის ამჟამინდელი კლუბი, რომელიც ლიგა 2-ში გამოდის.

შეგახსენებთ, რომ "ფროსინონეს" რიგებში კიდევ ერთი ქართველი - გიორგი კვერნაძეც ირიცხება.