ეროვნული ლიგა: თელავმა მოქმედ ჩემპიონთან არ წააგო, დილა დემჩენკოს გარეშეც იგებს

გორის "დილამ" საკუთარ მოედანზე აუტსაიდერ "შუქურას" უმასპინძლა, თავიდანვე უპირატესობა მოიპოვა და მეტოქე 5:1 გაანადგურა.

მთავარი მწვრთნელის რანგში კი ირაკლი მოდებაძე მოგვევლინა. მოგეხსენებათ, დემჩენკომ გუნდი ოფიციალურად დატოვა.

პირველ ტაიმში გორელებმა 3 უპასუხო გოლი გაიტანეს, მეორე ნახევარში კი კოვტალიუკმა გაიბრწყინა და დუბლი გაიფორმა.

საკმაოდ დაძაბული გამოდგა თელავში გამართული შეხვედრა, სადაც მასპინძლები დაწინაურდნენ, მაგრამ "დინამომ" პენალტით მალევე გაათანაბრა.

კახელთა კაპიტანმა ირაკლი რუხაძემ გუნდი წინ ულამაზესი გოლით გაიყვანა, "დინამოს" ლეგიონერმა მუსა-ბაბა სანგარემ ანგარიში გაათანაბრა და საბოლოო რეზულტატი დააფიქსირა - 2:2.