ეროვნული ლიგის ფასები განახლდა - ტოპ 10 ყველაზე ძვირადღირებული ფეხბურთელი

ამ დრომდე საქართველოს ჩემპიონატის ყველაზე ძვირადღირებული მოთამაშის ჯიმი ტაბიძის ფასი 1.5 მილიონიდან 1.0 მილიონ ევრომდე შემცირდა. ბათუმის "დინამოს" სენეგალელი ფორვარდის მუსა კონატეს ღირებულება 300 000-ით შემცირდა და 900 000 ევროს შეადგენს.

ამ მომენტისთვის ეროვნული ლიგის საუკეთესო ბომბარდირის ჯოვინო ფლამარიონის ფასი 800 000-დან 1.0 მილიონ ევრომდე გაიზარდა. უცვლელი რჩება საქართველოს მოქმედი ჩემპიონის ნახევარმცველის ანზორ მექვაბიშვილის ღირებულება, რომელიც კვლავ მილიონს შეადგენს.

აღსანიშნავია, თბილისის "დინამოს" 17 წლის ტალანტის გაბრიელ სიგუას პროგრესი, მისმა ფასმა 550 000-ით მოიმატა და 800 000-ს შეადგენს. 

ამრიგად, ათეულში თბილისის "დინამოს" ექვსი ბათუმის "დინამოს" სამი და გორის "დილას" ერთი ფეხბურთელი მოხვდა.