"ერთ-ერთ ფრანგ ფორვარდს აგონებს", - იტალიური პრესა მიქაუტაძეზე წერს
საფრანგეთისა და ბელგიის შემდეგ, "მეცის" თავდამსხმელზე, გიორგი მიქაუტაძეზე იტალიაშიც ალაპარაკდნენ. ქართველ ფორვარდს სტატია Calciomercato-მ მიუძღვნა:
"მიქაუტაძე ცხოვრობდა და თამაშობდა საფრანგეთში, თუმცა მისი აფეთქება მოხდა ბელგიის პროქსიმუს ლიგაში, სერენის შემადგენლობაში.
ქართველმა თავდამსხმელმა 24 შეხვედრაში გაიტანა 22 გოლი და მას ლიგა 1-ში დამკვიდრებისთვის ყველა საჭირო წინაპირობა აქვს.
გიორგის კუმირები არიან რონალდუ და იბრაჰიმოვიჩი - პირველის სტილში მან გოლი აღნიშნა, მეორეს წინააღმდეგ კი მას ეროვნულ ნაკრებში დებიუტი ჰქონდა.
მეცმა დაუფასა მას ლიეჟურ გუნდში მიღწეული წარმატება და მოქმედი ხელშეკრულება 2025 წლამდე გაუხანგრძლივა", - წერენ იტალიელები.
Calciomercato-მ აგრეთვე მოიყვანა "წითლების" ფორვარდის ყოფილი მთავარი მწვრთნელის, სამის გუმესის სიტყვები, რომელიც თავის ექს-შეგირდს ალექსანდერ ლაკაზეტს ადარებს:
"მიქაუტაძე არის ტექნიკური, სწრაფი და ორივე ფეხით მოთამაშე სრულყოფილი თავდამსხმელი. ის თავის საუკეთესო წლებში მყოფ ლაკაზეტს მაგონებს".
"ჩემი ფესვები საქართველოშია, მომავალს იმედიანად ვუყურებ", - მიქაუტაძე ბელგიურ პრესას
შემდეგი არის მიქაუტაძე! - გავიხსენოთ რიბერი, მანე, პიანიჩი, კულიბალი და სხვები მეცში
