ერთ-ერთი საუკეთესო გუნდში — როგორი შეფასება მიიღო ჩაკვეტაძემ სიტის წინააღმდეგ?

ინგლისის თასის 1/16 ფინალში, მანჩესტერ სიტიმ საკუთარ მოედანზე უოტფორდი მიიღო და მეტოქე 2-1 დაამარცხა.

აღნიშნული მატჩი სათადარიგოთა სკამიდან დაიწყო გიორგი ჩაკვეტაძემ და მოედანზე 61-ე წუთზე შევიდა, ხოლო 86-ე წუთზე საგოლე გადაცემა მიითვალა და უოტფორდი თამაშში დააბრუნა.

Sofascore-მა 25 წლის ქართველი ნახევარმცველის თამაში დადებითად შეაფასა და 7,0 ქულა დაუწერა, რაც უოტფორდში მესამე საუკეთესო შედეგია, ხოლო შეცვლიდან შემოსულებში საუკეთესო.