ავტორიზაცია
ერთა ლიგა | საქართველო ჩეხეთთან დამარცხდა და ჯგუფური ეტაპი მე-3 ადგილზე დაასრულა
ერთა ლიგის B დივიზიონის ბოლო ტურში საქართველომ გასვლაზე ჩეხეთთან წააგო და A დივიზიონის საგზური ვერ მოიპოვა.
მე-3 წუთზე პაველ შულცმა ანგარიში გახსნა, 24-ეზე კი ადამ ჰლოჟეკმა საჯარო დარტყმით სხვაობა გაზარდა. მე-60 წუთზე გიორგი მიქაუტაძემ 1 ბურთი გაქვითა და ამის შემდეგ საქართველოს საგოლე მომენტები კიდევ ჰქონდა, მაგრამ ვეღარ გავიტანეთ და 1-2 დავმარცხდით.
საბოლოოდ, ვილი სანიოლის გუნდმა ჯგუფური ეტაპი მე-3 ადგილზე დაასრულა. პირველ პოზიციაზე ჩეხეთი გავიდა, მეორეზე უკრაინაა, ალბანეთი კი C დივიზიონში დაქვეითდა. სილვინიოს შეგირდებსაც, ჩვენს მსგავსად, 7 ქულა აქვთ, მაგრამ მათ ბურთების უკეთესი შეფარდებით ვაჯობეთ.
საქართველოს, B დივიზიონში ადგილის შესანარჩუნებლად, ფლეიოფში, C დივიზიონის რომელიმე ჯგუფის მეორეადგილოსანთან თამაში მოუწევს.
ამ მომენტისთვის, პოტენციური მეტოქეები სლოვაკეთი, ბულგარეთი, სომხეთი და კოსოვო არიან.
ფოტო: ეროვნული ნაკრები
