ერთა ლიგის გამარჯვებულები - განვლილი გზა

ერთა ლიგა, რომელიც 2018 წლიდან არსებობს, სანაკრებო ტურნირია - გუნდები 4 ლიგაში არიან გადანაწილებულნი (რეიტინგის მიხედვით), რომლებიც 4-4 ჯგუფისგან შედგება.

ყველაზე მაღალი, A ლიგის ყოველი ჯგუფის გამარჯვებული საბოლოო ოთხეულში კვალიფიცირდება, რომელთა შორისაც ერთა ლიგის გამარჯვებული გაირკვევა. ამ დრომდე, აღნიშნული ტურნირის ისტორიაში 3 გამარჯვებული გვყავს - პორტუგალია (2018/19), საფრანგეთი (2020/21) და ესპანეთი (2022/23).

პორტუგალიის ჯგუფში იტალია და პოლონეთი ჰყავდა, სადაც პირველი ადგილი დაიკავა. ფერნანდუ სანტუშის გუნდმა 8 ქულა მოაგროვა, იტალიამ - 5, პოლონეთი კი 2 ქულით ბოლო პოზიციაზე გავიდა. "ლუზიტანელები" ნახევარფინალში შვეიცარიას შეხდნენ, რომელიც კრიშტიანუ რონალდუს ჰეთ-თრიქით 3-1 დაამარცხეს, ფინალში კი ნიდერლანდებს შეხვდნენ, რომელსაც გონსალუ გედეშის გოლით მოუგეს და პორტუგალია ერთა ლიგის ისტორიაში პირველი გამარჯვებული გახდა.

მარტივი ჯგუფი არც "მამლებს" შეხვდათ: მოქმედი ჩემპიონი პორტუგალია, ხორვატია და შვედეთი. მიუხედავად ამისა, დიდიე დეშამის შეგრიდებმა 16 ქულა მოაგროვეს და პირველ ადგილზე გავიდნენ, პორტუგალიელთა ანგარიშზე კი 13 ქულა იყო. ფრანგები 1/2-ფინალში ბელგიას შეხვდნენ, რომელიც დრამატულ ბრძოლაში 3-2 დაამარცხეს და შესანიშნავი ქამბექი შემოგვთავაზეს. მეორე ფინალისტი ესპანეთი იყო, რომელსაც ასევე რთული ჯგუფი ჰქონდა, თუმცა გერმანიას აჯობა და პირველ ადგილზე გავიდა. ფინალში "ფურია როხა" მიკელ ოიარსაბალის გოლით იგებდა, თუმცა საფრანგეთმა ქარიმ ბენზემასა და კილიან მბაპეს გოლებით მატჩი შემოატრიალა და ჩემპიონი გახდა.

ფინალის წაგების მიუხედავად, ესპანელები მომდევნო გათამაშების გამარჯვებულები გახდენენ. "ფურია როხასთან" ერთად ჯგუფში პორტუგალია, შვეიცარია და ჩეხეთი იყვნენ. აღნიშნულ ჯგუფში საკმაოდ დიდი ბრძოლა შედგა - ესპანეთმა პორტუგალიას 1 ქულით გაასწრო, შვეიცარიას კი - ერთით. ლუის დე ლა ფუენტეს შეგირდებმა ნახევარფინალში იტალიას მოუგეს (2-1), ფინალში კი ხორვატია პენალტების სერიით დაამარცხეს და, ჯერჯერობით, ტურნირის მოქმედი ჩემპიონები არიან.

მიმდინარე სეზონის გათამაშება სტარტს 5 სექტემბერს აიღებს. აღსანიშნავია, რომ პორტუგალია, საფრანგეთი და ესპანეთი კვლავ ფავორიტები არიან. ამასთან, გერმანია, იტალია, ბელგია და ნიდერლანდებიც საკმაოდ ძლიერები არიან.

ჯგუფი 1: პორტუგალია, ხორვატია, პოლონეთი, შოტლანდია

ჯგუფი 2: საფრანგეთი, იტალია, ბელგია, ისრაელი

ჯგუფი 3: გერმანია, ნიდერლანდები, უნგრეთი, ბოსნია და ჰერცოგოვინა

ჯგუფი 4: ესპანეთი, შვეიცარია, დანია, სერბეთი

საფრანგეთი – 25%
გერმანია – 14.29%
ესპანეთი – 14.29%
პორტუგალია – 12.5%
ბელგია – 9.09%
ნიდერლანდები – 9.09%
იტალია – 7.69%