ავტორიზაცია
"ერთად ოცნებების ასახდენად ვიბრძოლებთ" — ხვიჩა კვარაცხელიას პირველი ინტერვიუ PSG TV-სთან
პარი სენ-ჟერმენის ახალწვეულმა, ხვიჩა კვარაცხელიამ PSG TV-ს პირველი ინტერვიუ მისცა. ქართველი ფეხბურთელი სამომავლო გეგმებზე საუბრობს და საკუთარ გრძნობებს გვიზიარებს.
ხვიჩა, როგორი გრძნობაა პსჟ-ში გადმოსვლა?
"ამ გუნდის მაისურის ტარება დიდი პატივია. მსოფლიოს ერთ-ერთ უდიდეს კლუბში თამაში ჩემი ოცნება იყო. ძალიან ამაყი და უბედნიერესი ვარ. ერთად ოცნებების ასახდენად ვიბრძოლებთ."
რამ გადაგაწყვეტინათ ეს ტრანსფერი?
"კლუბის პროექტმა დამარწმუნა, რომ პსჟ ამერჩია. ვიცი, გუნდს რისი მიღწევა სურს და ფეხბურთელებთან როგორ მუშაობს. ჩვენი ხედვები ერთმანეთს ემთხვევა. აქ ბევრ დიდებულ მოთამაშეს უასპარეზია, ამიტომ, როცა პარიზში გადმობარგების შესაძლებლობა მომეცა, ბევრი არ მიფიქრია."
კლუბში ვინმეს უკვე იცნობთ?
"კი, ზოგიერთ ფეხბურთელს ვიცნობ - მაგალითად: ფაბიან რუისს, რომელთანაც ნაპოლიში ვთამაშობდი; ასევე - ჯიჯო დონარუმას, რომელსაც პარი სენ-ჟერმენში გადმოსვლამდე ვესაუბრე კიდეც."
ლუის ენრიკესთან იმუშავებთ...
"ის მსოფლიოში ერთ-ერთი საუკეთესო მწვრთნელია. ვიცი, რომ მასთან მუშაობით ბევრს ვისწავლი. ბედნიერი ვარ, რომ ლუის ენრიკეს შეგირდი ვიქნები."
ლუის ენრიკესთან იმუშავებთ...
"ის მსოფლიოში ერთ-ერთი საუკეთესო მწვრთნელია. ვიცი, რომ მასთან მუშაობით ბევრს ვისწავლი. ბედნიერი ვარ, რომ ლუის ენრიკეს შეგირდი ვიქნები."
რა არის თქვენი მიზნები პარიზში?
"მინდა, ახალი გამოწვევები მივიღო, ახალი ოცნებები და მიზნები დავისახო. მსურს, პროგრესი განვიცადო და გუნდისთვის მაქსიმუმი გავიღო."
პსჟ-ის კამპუსი მოინახულეთ. როგორია თქვენი შთაბეჭდილებები?
"კამპუსი შესანიშნავია - ყველაფერი გვაქვს, რაც გვჭირდება. ახალგაზრდები გვყავს, რომლებსაც განვითარება სჭირდებათ, და ამისთვის პირობები აქვთ: ეს მნიშვნელოვანია როგორც მათთვის, ისევე პროფესიონალური გუნდისთვის."
რას ეტყვით ფანებს?
"კამპუსი შესანიშნავია - ყველაფერი გვაქვს, რაც გვჭირდება. ახალგაზრდები გვყავს, რომლებსაც განვითარება სჭირდებათ, და ამისთვის პირობები აქვთ: ეს მნიშვნელოვანია როგორც მათთვის, ისევე პროფესიონალური გუნდისთვის."
რას ეტყვით ფანებს?
"მსურს, ქომაგებს მალე შევხვდე და მათთან შესანიშნავი ემოციები გავიზიარო. ძალიან ბედნიერი ვარ, რომ ამ გულშემატკივრებს ვუერთდები. მალე გნახავთ."
𝐾ℎ𝑣𝑖𝑐ℎ𝑎 𝐾𝑣𝑎𝑟𝑎𝑡𝑠𝑘ℎ𝑒𝑙𝑖𝑎 : « C’est un rêve d’être ici. Je ressens une immense fierté en rejoignant ce grand club et j’ai vraiment hâte de porter mes nouvelles couleurs » ✨#WelcomeKvara ❤️💙 pic.twitter.com/tsgUTVAOO9
— Paris Saint-Germain (@PSG_inside) January 17, 2025
