"ეს ერთადერთი შემთხვევა იყო, როცა ფეხბურთელს რამეს დავპირდი" | როგორ დაარწმუნა იოახიმ ლიოვმა მუსიალა გერმანიის არჩევაში?

"ეს ერთადერთი შემთხვევა იყო, როცა ეროვნულ ნაკრებში ფეხბურთელს რამეს დავპირდი: მიუხედავად იმისა, რომ ის ბაიერნში სასტარტო შემადგენლობის რეგულარული წევრი არ იყო, ვუთხარი, რომ თუ ჩვენ აგვირჩევდა, ევრო 2021-ზე აუცილებლად წავიყვანდი," - განაცხადა გერმანელმა.

მუსიალა გერმანიაში (შტუტგარტში) დაიბადა. მისი მამა ნიგერიელ-ბრიტანელია, დედა კი პოლონური წარმოშობის გერმანელი. ჯამალი 7 წლის ასაკში საცხოვრებლად ინგლისში გადაბარგდა, სადაც საუთჰემპტონისა და ჩელსის აკადემიებში ირიცხებოდა, 2019 წელს კი ბაიერნმა შეიძინა.

მუსიალა ინგლისის ახალგაზრდულ ნაკრებებში თამაშობდა, მაგრამ როცა საქმე ეროვნულ გუნდზე მიდგა, არჩევანი გერმანიაზე შეაჩერა.